佔領一隅:深水埗重建街坊VS旺角阿伯

編按:一位熱心的前重建街坊阿ann,非常積極地參與社會事務。最近的佔領運動裡,她自發做了公民記者,拎住電話周圍同陌生參與者傾偈訪問,並傳出讓不在現場的朋友都了解一下小市民的心聲。其中一段在旺角訪問住在旺角的阿伯的心聲,頗為有趣。故徵得她同意後,把錄音簡化為訪問稿,與各位讀者分享。

大家會見到,有時伯伯並非全部是答ann的問題,也不知是有意還是無意,還是他覺得自己答了而我們聽不明白不過,其實日常的傾偈,就是這樣遊來遊去,但又不失重點。其實,有去佔領區的人士,基本上本來都不認識,大家不妨與身邊的人互相認識,了解他們的想法和需要,這種過程,也是一種民主社會的練習

訪問:ann 謄寫:阿釘 簡化:小草

ann: 今天是十月一日,十二點十二分,我旺角,匯豐銀行彌敦道行人專用區旁馬路, 訪問一位伯伯。

伯伯呀,現時有甚麼不公義令你行出黎?

伯:你做官個,係要做,應聲蟲就係共產黨個,搞到今日香港你知唔知道呀,香港根本係好和諧,好注重自己係香港人,依家搞到分兩批人,真係好慘,你共產黨就聽埋一邊人講的,唔會聽兩邊。得一個版本,累到香港今日有咁的問題一早你就落閘,未曾聽泛民派既意見再去分析,你聽埋譚蕙珠、范徐麗泰、梁愛詩個班人,同埋個班商家屋租就到唔清唔楚,個樓呢就去到萬幾萬蚊一呎,你叫個打工仔點租呢?全部大財團就斷晒,你共產黨就聽晒班人(財團主)!

舊時班人(財團主)就係我地班手作仔工人去養佢地!唔係學得我朋友個仔去李嘉誠嗰做野,後生仔話李嘉誠養佢全!你唔做李嘉誠俾錢你?我地做嘢,係我地養李嘉誠!

ann:係呀,都係窮人養佢!…咁你點睇,前兩日政府對市民放催淚彈?

伯:當然唔岩啦根本你梁振英同個班應聲蟲無政治智慧,就係搞出呢啲咁野出黎香港班學生,係學生搞啦,唔通我地呢七八十歲出嚟去俾人

ann:伯伯我想問你屋企人支唔支持呢個運動?

:要問佢啦!我好自由,唔能夠話監佢信邊個,最緊要佢自己可以分得清楚:邊個係對你有自由呢,邊個係專制你呢唔能夠亂得就,係又唔係又,呢啲就應聲蟲,只係顧住自己銀包幾十萬,邊個唔幫呀爺?錢就係權啦你知唔知?你唔好叫老野瞓訓街,係學生訓街後生夠氣魄,識野,唔能夠俾你一黨專政

ann:我想問下泛民入閘,邊個最有認受性?

:唔係一個版本,聽多一兩個版本。你要聽一個版本,應聲蟲緊係話好啦。個(聘請人的)錢係邊度搵呀,係我地!佢地攞番出黎,食左我地啲血汗錢!

ann:咁伯伯你覺得呢個運動會唔會成功?

伯:今次成功係好難架,好大犧牲,亦都係好難,除非就算梁振英落台呢,都未必搞得清應該呢,最緊要係北京又想台灣統一,又唔識做個野,你想用武力呀,無可能架。人地(台灣)驚你架嘛。

ann:點解肯企出黎?

:無咩,我唔出聲呀,等餓死呀?搵其它野食都要啦,大蕃薯,都要頂肚,我地日本仔嗰時,都食蕃薯啦,無蕃薯食蕃薯葉囉,你咁都唔明白人係要生存架嘛,唔通淨係瞓係屋企呀?咁咪做井底蛙?世事咩你都唔知,矇在鼓裡要多出黎你後生,你第日,你係未來主人翁心態!你要明白()時間無多,八十幾歲,就嚟「移民去第二度架啦。

廣告

One comment

  1. 引用通告: 無線記者顯良心? | 草根.行動.媒體

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: