[新聞解毒短打] 警部門改個名 都唔算影響民生啫

下載

報導原文:http://www.orientaldaily.on.cc/cnt/news/20150205/00176_035.html

小草

小草作為一界草民,對議會內部的事情不了解也無大興趣。

建制派加埋功能組別人多,無論投咩都贏硬架啦。泛民呢,投親票都輸,咁咪唯有拉下布囉,咁佢地都有佢地的選民要交代。循環死結,無咩意思。不過,唔鐘意還唔鐘意,都要講下道理,論下事實,唔好侮辱我地啲基層市民的智慧呀嘛,嗱,如果話睇番呢篇報導,就真係漏洞百出囉。例如:

1) 「助長」? 個大標題話拉布會「助長網上罪行」,但內文中,保安事務委員會的主席葉國謙話,就算拉布都不會妨礙新部門的日常工作。咁點解方向報個標題可以係「助長網上罪行」?既然上唔上立法會都可以運作,咁都唔係好緊急啫 ,查實只係改個名,升下格,某阿頭可以升職加薪,對街坊都無乜影響喎。 唉,唔100%企哂係政府果邊就係「助長罪行」,咁我地成班親朋戚友街坊鄰里,都覺得政府由得樓價高企唔對路,係咪全部變哂「阻礙經濟發展」?

2)「密謀」? 開頭一段話泛民「密謀」就差人某個部門升級而拉布,咁既然係「密謀」,點解建制又知方向報又知?如果泛民為討好選民而拉布,咁拉布一定要公開啦,「密謀」來做乜呢?篇報導後段仲講到創科局的會議,陳偉業都公開講諗住點拉布啦。

3) 新部門有無新任務? 葉國謙就話個警察部門唔升格都不會影響運作,報導尾尾就講左一句泛民係擔心「新設的調查會巡查網上不利政府的言論」,威脅到言論自由。咦,咁到底係咪真呢?想砌泛民亂講,咁咪報導下新部門的權責範圍「證實」佢地亂講囉,但…成篇都無報導喎…

咁又係,方向報成日幫政府講野,只在小民生事務上偶而輕輕批判一下政策,就算有咩限制言論自由的任務,都唔關佢事。呢,好似亞視咁,平日成日幫政府講野,搞到牌費又唔交,糧都唔出,勞工處都拖咁耐唔告佢,咁就大家心照啦。

廣告

8 comments

  1. 引用通告: [新聞解毒短打] 警部門改個名 都唔算影響民生啫 | 草根視點

  2. 引用通告: 新聞解毒短打| 數還數 路還路 規劃差就咪賴無家者 | 草根視點

  3. 引用通告: 新聞解毒短打| 屈神明一餐 戇居政策新聞博人睇唔到?  | 草根視點

  4. 引用通告: 新聞解毒短打| 斬手指案:其實並無真相大白,只是不是「毫無疑點」 | 草根視點

  5. 引用通告: [新聞解毒短打]與其全民焗賭一鑊熟 不如投資社會有命享 | 草根視點

  6. 引用通告: 天水圍街坊的趁墟見聞 | 草根視點

  7. 引用通告: elis 並非只是死了,她是被殺的。 | 草根視點

  8. 引用通告: 影行者通訊 v-artivist newsletter ~ 2015.3.20 | 影行者 v-artivist

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: