新利東.假樂園

編按:一位住了灣仔廿多年的街坊來稿,訴說見到當年抗爭得轟轟烈烈的利東街,如何被市建局搞成不三不四的假樂園,盡湮滅社區網絡和社區經濟之能事!話說這個利東街原本的一些住戶和商戶,可是開啟香港一代土地運動的先鋒。他們與一些義工組成了H15關注組,在歷經了許許多多的上門調查,居民大會,了解需要後,更透過一些有心專業人士的協助,製定了香港第一個由下而上的民間規劃方案,拿上城規與市建局方案對幹一場。這一場,一幹便堅持了許多年,為的是保存社區網絡居住權利地區特色,以及,一個「城市規劃民主化」的理念。那方案,叫「啞鈴方案」,還得了規劃師學會的年度銀獎。直至現今,H15關注組的街坊和義工,仍在繼續協助各區重建街坊爭取權益,及繼續散播城市規劃民主化的種子。

~~~~~~~~~~~~~~~~~~~~~~~~~~~~~~~~~~~~~~~~

文/圖:灣仔街坊阿宜
今日行經利東街附近,見佢終於開返路,就去睇下條街變成點。老遠就見到成班地產經紀係街口,我個樣點睇都唔似買到樓,佢哋理都唔理我。
photo_2015-11-30_14-56-10
行入以前既利東街,沿路兩旁有樹和花花草草,但睇清楚啲,所有花草都係盤栽來的,感覺好奇怪但又有啲熟悉。當我發現樹上掛著小型擴音器,播著奇怪的音樂時,就知道這種熟悉感係咩。哦,原來利東街重建後想扮主題樂園。
photo_2015-11-30_14-55-46  photo_2015-11-30_16-09-36
photo_2015-11-30_14-55-22 photo_2015-11-30_14-55-44
咁你話佢係扮主題樂園的話,都幾似既。有花花草草,有長椅,有音樂,有花門。住宅入口和大堂成個廸廸尼酒店咁,樓頂高高,雲石牆地,玻璃鍍金大門,大門外仲有一道又高又厚但用嚟裝飾的大閘,睇上去閃閃爍爍,好貴氣咁。唔通係怕啲人覺得唔抵買,又或者嫌囍滙著名的劏房豪宅啲單位細,個大堂係要豪華啲?
photo_2015-11-30_14-56-01photo_2015-11-30_16-09-36 photo_2015-11-30_14-55-25 photo_2015-11-30_14-55-41
現在囍滙未入伙,仲可以俾人「預約參觀」,暫未有名鋪開幕。路上的長椅,暫可以給路人隨意坐坐,我仲見到不少外傭姐姐係度影相,好開心咁。(講開長椅,當我第一次發現部分長椅原來有小朋友銅像時,真係嚇了一跳!夜晚一定唔會行呀!)但遲啲,依家就有已經好多著哂老西的有保安睇場,

坐都坐得怪怪啦,而將會開張的舖頭都係名店,即係銅鑼灣時代會見到的大牌子,唔洗問阿貴,都估到開幕後個地方會管理得好嚴啦!

唉!睇嚟呢個市區重建,是想把灣仔變成蘇豪區啦。利東街變左假樂園商場、和昌大押變左the Pawn、舊街市變左尚翹峰同壹環,進駐的都係啲高級餐廳、名牌子,街坊都唔會去啦。大鑊的係,當越來越多鋪頭變左貴價野,本來的茶餐廳、舖頭仔都跟住加價,出街食個飯都貴過人。但無計呀,好多舖頭被業主加租嘛,唔加價嗰啲就已經做唔住啦。呢一年,睇住莊士敦道近油站、軒尼詩小學嗰邊無聲無息之下,最少有兩幢樓突然人去樓空,被人收了,咩消息都無,好似鬼故咁。又唔知會變咩……
photo_2015-11-30_16-09-34 photo_2015-11-30_16-09-43 photo_2015-11-30_14-55-50

其實,點解市建局死都唔肯接受當年街坊做果個啞鈴方案呢?讓受影響的街坊,想走的可以走,想留的可以留,仍留有空間俾市建局同發展商發財,又可保存社區特色和鄰里關係,有乜唔好!?對我地呢啲周邊社區住的人來講,區內起咁多豪宅,租金物價一定狂颷,咁我地又點生活呢!!市建局的嘜頭話係「以人為本」,我睇「以錢為本」就真!!

廣告

About 草 媒

草根媒體 grassmedia09@gmail.com

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: