媒體解毒系列-衙前圍村之三:又話撐衙前圍?村民呢?長實?市建局呢?

:木更
話說衙前圍村最近面臨清村,下周一前不走竟是罰款幾十萬或坐監!!被搶野的人要坐監真係超大荒謬!
作為一個喜愛和尊重本土歷史文化,超級認同被重建街坊理應有對社區的決策權的人,昨日見到生果報有篇專欄撐衙前圍村,歡天喜地啦,點知一睇,哇,主角唔見哂,嚇親我,仲話係一位前城大的城市設計導師喎.…

幾個離譜位,大家都分享下:

1)利東街「完整保存」?
熟悉市區重建的朋友,都清楚知道利東街(俗稱囍帖街)根本就被改到一絲無存,呢位女士自己都話市建局改利東街改到傻左,但佢竟寫「即或是保存得比較完整的利東街,重建後完全失去舊有唐樓應有的氣氛 」???到底講咩呀?

2)村民去左邊?
成篇文個思維其實都只係話,歷史文化係有經濟價值,咁係咪即係無法生產經濟效益的歷史文化就照拆不誤?其實個思路同政府一模一樣!
只要肯努力揾下資料,就知衙前圍村的文化正在於人。圍村與後來因城市發展而成為邊緣社群(包括生活態度唔賺盡的小生意人、小手工藝等)的棲身之地。同時圍村的小生意正是支援旁邊公屋社群的社區網絡。街坊多年對社區有貢獻,廿蚊理髮先生在政府眼中當然不是什麼「經濟效益」。這位離地城市設計師,貌似不支持政府拆村,但卻不知有心定無意,對這些活生生的人的生活文化,提都不提!都唔知佢所講的「空間文化」呢啲詞語,到底有咩意義!

3) 中港矛盾懶人key? 地產霸權「被缷責」?
只要肯努力揾下料,就知衙前圍根本是香港的大地霸長實和自稱「以人為先」的市建局的「合作」啦!成個城市規劃,只係諗點樣變豪宅!但呢個前城市設計師,卻半句沒有提到長實和市建局(市建局並非政府部門)呢啲元兇。
近日中港矛盾越烈,好多人懶講清楚件事,懶去查資料,萬能key地樣樣都係大陸人錯,咁樣會否同時令到好多應該對問題負責的人「被卸責」?到底益左邊個先?

北區有半個荃灣咁大的大哥爾夫球場,每年一蚊租俾二百幾個權貴會員,咁都唔拎來起公屋,死都要搶東北村民的地,大家聽到都知咩事啦!
前城市設計導師原文:http://hkm.appledaily.com/detail.php?guid=19460587&category_guid=4104&category=daily&issue=20160121&mobile=1

廣告

About 草 媒

草根媒體 grassmedia09@gmail.com

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.

%d 位部落客按了讚: