炒散師奶雜記之五 怨有頭債有主 記得要搞清楚僱主真名

話說近呢幾個月,算是promoter工作的高峰期,都係聖誕新年期嘛。不過尤其是呢段期間,番工都係好緊張。做我地呢行,好多工其實都係搭上搭介紹的,仲有大量工係在whatsapp和facebook上見到有人放出嚟,尤其是假期高峰呢輪,好多工,有時,真係有僱傭關係嗰個僱主係乜水,甚至間公司係咩名,其實自己都唔知。

我有個姐妹就[瀨]過野,俾人欠薪都唔知搵邊個人追!又有一次有幾間做代理既agent公司話已經將班姐妹既糧出咗比個介紹人,要班姐妹自己搵個介紹人出返啲糧,嗰陣又搵唔到個介紹人,班姐妹最少都有3千幾蚊糧,個心又嬲又唔知點算,好彩兩次最後都搵咗工會一齊追返間公司先出返哂啲糧咋,唔係真係白做!

個次之後班姐妹都話下次接工之前都真係要問清楚係咩公司先好接,工會仲教落同公司電話講完要將返工既資料,好似公司名、日期、時間、地點、人工點計等白字黑字咁打返喺Whatsapp問對方啱唔啱因為怕頭先聽錯,咁到時追糧都叫做有書面記錄,唔洗口同鼻拗呀嘛!最好公司有咩mark貨表、送貨表都影低落電話備份,呢個文件隨時係搵返僱主係邊個既重要證據呀。

所以,請大家姐妹留神,就算幾亂都好,請搞清楚僱主係乜水,有乜冬瓜豆腐,都有得追呀嘛!

(如呢期真係遇到因僱主不清而出現的出糧問題,可找[推廣員及零散工工會]:27904848 或whatsapp 55421515)

廣告

About 草 媒

草根媒體 grassmedia09@gmail.com

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s

%d 位部落客按了讚: