【炒散師奶雜紀】之八 未搞清楚就炒人?炒散唔係二等勞工!

故仔:蔡師奶

做師奶,老公賺果份又唔夠洗,個細路又細要照顧,又唔係讀好多書,咁即係時間唔穩定,但又等錢洗,咁會搵到啲咩工呢?就梗係唔荒係薪高糧準福利好啦!所以,炒散,就係我地嘅選擇,亦可以話,唔係一種選擇。炒散真係見盡人生百態,等我蔡師奶係到教精大家,無咁易俾人搵笨!


話說有個做promoter的姐妹,之前係一田做,無端端俾一田話佢偷懶唔做野,成日行開吞扑,於是就打電話俾姐妹所屬中介公司,叫公司叫佢即時離場,仲可能列入黑名單以後難搵食添!

後來個姐妹搵左工會幫手,要求一田番睇閉路電視,就證明到,個姐妹根本只係去了一次廁所,唔知點解個一田的管理人員咁樣屈佢。工會追問一田點解要Promoter即時離場咁大件事都唔查清楚先至搵中介公司?咁大間公司都無制度,又無機會比姐妹解釋,咁樣就搞到人無得撈,仲要即時離場個個都望實以為做錯乜野,影響哂個聲譽,真係好離譜!

一田在壓力下向工友道歉,公司也讓她復職,但她心淡已轉第二間公司了。

 

所以話,遇到問題,真係要據理力爭。今次事件,如果唔係個姐妹夠硬淨,就分分鐘俾人列入黑名單以後搵唔到食,真係好大件事架。不過個人力量始終有限,搵下工會,多幾個同行,同聲同氣都係好啲架。

(如有類似個案,可找[推廣員及零散工工會]:27904848 或whatsapp 55421515)

廣告

About 草 媒

草根媒體 grassmedia09@gmail.com

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.

%d 位部落客按了讚: