轉載[社工復興運動]回應週刊的綜援人士相關報導(之一)

編按:「是否很多新移民呃綜援?」 人人有自己所見所聞,你取消唔到我見到的,我又取消唔到你見到的,咁抝嚟都係為發泄,對事實都無乜幫助架係咪?

「咁樣呃法,政策上、實行上、事實上係咪可能呀?」條例係到,難就係難申請架啦,不過你話有無人好精咁,又咁啱有啲機會俾佢走精面?個別個案一定會有。

不過 ,一個香港人呃綜援也不代表所有香港人呃綜援啫 ,同理, 一個新移民呃綜援也不代表全部新移民呃綜援 ,係咪?

最近又有周刊做到無稿題,舊瓶加小小醋又變新酒,坊間有人唔怕死走去回應,在社交平台上俾人插到開花,不過我地又覺得,都唔係無道理架。

反正鬧來鬧去都係報紙周刊有紙出有廣告費,事實上大家又無話交少左租加左人工或者有普選架啦,反正都係咁囉,不妨試下從具體統計數字出發睇下咩料?就算你信唔哂啲數,或者都可以諗多幾多種面對問題的可能性呢?

一位學者梁啟智也公佈了[香港人口數據匯集],其中也有「10.1 單程證及內地新來港人士」的一系列數據,大家也可一併參考對照。
https://medium.com/@leungkaichihk/香港人口數據匯集-4fe6aa3f42f?_branch_match_id=584019253415543069

另,周刊的連結亦附於文末,方便大家參考對照。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

轉自: 社工復興運動

看畢訪問,我們先有多點疑問︰

1. 老闆陳生表示︰「綜援戶會要求做一份假的入息證明,假入息申請公屋易啲」。事實上,綜援戶要申請公屋,憑綜援證明已可以,何來要假入息證明?而入息多少(只要低於限額)、綜援與否,皆不會影響申請快慢,何來會「易啲」?

2. 老闆陳生又表示︰「身邊有朋友攞綜援,已經幫2個仔女買哂樓,一年去兩次歐洲旅行」。首先,在香港,醫生律師都說買樓難,要月入多少,才可以「幫2個仔女買哂樓」,如那個朋友也是「攞綜援現金出糧做飲食」,難度時薪幾十元可以買2層樓?還是幾千元綜援可以幫補買樓?事實上,申請綜援要以同住家庭為單位,如果是仔女另外有樓住,而父母在其他居所申領綜援,則是另一回事。

3. 另一位老闆黃小姐︰「(綜援人士)好巴閉,成日旅行,買股票,你都唔知佢地幾富貴」老闆一方面指綜援戶要求現金出糧,避免銀行過數,但買股票要開戶口吧?有清楚的出入數記錄,而綜援亦有明確的資產限額,以3人個案為例,資產限額為63,000,可以如何「炒股」?如超出限額,社署在深入調查也可以發現。

4. 這些印象、論述,其實又多可靠?周融說大部份人支持「袋住先」方案,你信嗎?有人說︰「我見香港而家有好多南亞裔」,你又信嗎?(「少數族裔」(不計家傭),其實佔香港人口3.6%,南亞裔佔約1%);當有人說︰「我都識身邊好多人都呃綜援」,其實實際可以清楚指出那一個呢?有多少個?有甚麼證明,為何不舉報?

而事實上︰
1. 根據社署資料,「居港少於 7 年的綜援受助人」個案數目,由2007年24454宗,跌至2017年的11524個宗,跌幅約53%。這些個案主要包括單親(38.5%)、年老(26.8%)及健康欠佳(12.0%)。

2. 2017年底,整體申領綜援個案為232134宗,年老個案佔62.1%(144198宗),永久性殘疾佔7.4%(17133宗),健康欠佳佔10.2%(23632宗);未滿7年個案佔不足5%。

3. 另外,今天同屬壹傳媒的蘋果日報亦指出「社署最新資料顯示,涉及18歲或以上居港少於7年的新來港人士申請綜援及獲批個案數目,均有下降趨勢,新移民申領綜援人數由2015/16年度4,380宗下降至去年底2,739宗,獲批個案則由1,339宗減少至825宗;過去3個年度,涉及新移民的綜援支出僅佔整體開支約4%」https://hk.news.appledaily.com/…/…/article/20180419/58090540

4. 理工大學於2009年有個《香港市民對綜援態度》意見調查,其中問到受訪者是否同意:「大部份申領綜援的人士,都是新來港移民。」,得出54%「十分同意/同意」,但同期新移民人士佔綜援人士總數5.8%。報告建議政府應提供資訊減少因誤解和猜測造成的不合理歧視https://www.oxfam.org.hk/content/98/content_3563tc.pdf

我們認為,任何制度都有漏洞,任何漏洞都要堵截,但斷不能將綜援人士妖魔化-他們一直受貧窮之苦,如今再受歧視所累,我們可以憑理據還他們一個公道嗎?
~~~~~~~~~~~~~~
報導原文:  https://hk.lifestyle.appledaily.com/nextplus/magazine/article/20181023/2_632518_0/-新移民呃綜援實況-月入3萬歐洲旅行-老闆-佢哋富貴仲幫仔女買樓

廣告

About 草 媒

草根媒體 grassmedia09@gmail.com

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.

%d 位部落客按了讚: