[大隻仔看荒謬世界 (1) 洗衣機和豬內臟]

文:大隻仔之友

轉自:深水埗小學雞

.
一晚食完飯,撞到大隻仔。好耐無見,便在街口樹下垃圾筒邊,齊齊煲支煙,傾兩句。
.
大隻仔平時做勞力工,日出而作日入而息。咪睇佢人咁大隻,手瓜起腱,個樣唔笑有小小恐怖,但卻是個心細如塵的大男孩。同佢傾偈,有時要等好耐至講句野咁。果晚等到大家噴出嚟啲白煙絲慢慢找攀上了樹梢時,佢就跌左一句說話出嚟:「其實呢個世界真係好荒謬架!」

「做乜咁大感慨呢?」

「有啲人就有錢到要乜有乜,有啲人就窮到…真係…果日我去探阿媽,行到樓梯口,見到有個阿伯諗住自己抬個洗衣機上唐樓喎,佢都咁老囉,個洗衣機又好明顯係二手,又重,又散散地,咁我就埋去話幫佢搬啦。練咁大隻就係愛嚟做呢啲野呀嘛係咪!」說著微微做了一個騷肌肉的姿勢,我唔知笑定係呆之際,佢又話:「唉,其實我都有潔癖,見到個洗衣機側邊咁污糟,真係好唔想,但都無偈啦,就一手稱左。咁入到屋仲有個阿婆的,我搬到上去,都諗住順便幫佢地擺係佢地方便的位置啦,都係重。但見他們屋裡面好多野,跟住他們決定放在廚房某個位,移開左啲膠筒。其中一個膠筒,裝著好多豬內臟,其實都有啲發臭!好恐怖!點食呀大佬!好似係啲舖頭唔要的東西,俾左佢地,哇,點食呀!真係,好難忘……」

大隻仔好似真的被一筒豬內臟嚇親,還重覆講了幾次那個場景…
.
「你話,係咪好荒謬呢?其實真係好多野都好荒謬。你睇下呢到果啲聲稱的按摩…」

(未完待續)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.