地盤工人反對修訂《逃犯條例》聯署

我地係一班反對修訂《逃犯條例》既地盤工人。係大家眼中,我地可能係無咩學識又無文化既老粗。但無論點都好,我地都係香港既一份子,我地唔想我地有份用血汗打拼返黎既香港淪落成為一個無法治、無言論自由既地方。

今次政府修訂既《逃犯條例》咁大單野諮詢期得果20日,然後十三萬人遊行反對,政府竟然當民意無到,跳晒程序直上「二讀」。喂,大佬。起棟樓都要時間評估,都要跟程序啦,如果唔係會死人冧樓嫁。依家政府急急腳跳晒程序,一定係趕住賣香港向中共獻媚啦。

眾所皆知做地盤呢行無良老闆用盡方法剝削我地,拖糧、壓價、回水、克扣人工樣樣齊。依家我地仲可以靠集體行動去追討法例上既保障,向老闆抗議,向政府爭取改善。但係,如果惡法通過,工人就真係玩完。可能有人會覺得,我地唔犯法咁咪無事唔洗俾人引渡返大陸囉。咁諗就錯喇,望下近近地深圳既情況,之前有班係機械焊接公司(佳士)做野既工人,因為工作環境待遇差,公司又拖糧又減人工,所以佢地想籌組工會,但係公司炒晒佢地亦俾公司派黎既人打,於是工人同聲援者抗議,但最後明明無犯錯既工人同聲援者,竟然被安插不同罪名,包括「聚眾擾亂社會秩序罪」同「尋釁滋事罪」。所以,最大問題係大陸根本無法治,只係人治。即係話,一旦修訂左逃犯條例,就算明明無犯法,我地都有可能俾人屈到變犯法。

我地每個地盤工人,背後都要撐起一頭家,我地唔能夠再被剝削蠶食。我地需要法治,我地需要自由空間,去爭取待遇改善,守護作為工人既尊嚴,捍衛我地既香港!

同時,我地又見林鄭月娥政府,如何無視我們市民的聲音,囂張跋扈,自把自為。我地要俾政府知道民意不可欺!香港係我地每一個香港人打拼建立出來的,係屬於人民的,唔係呢班權貴說了就算!

六月九號,地盤工人!上街吧!
拒絕《逃犯條例》修訂!

日期:2019年6月9日(日)
時間:下午2:30集合;3:00起步
起點:銅鑼灣維多利亞公園 中央草坪 (維園草地)

發起人: 建築地盤職工總會 (職工盟屬會)
聯絡電話:95858525 (whatsapp)

廣告

About 草 媒

草根媒體 grassmedia09@gmail.com

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.

%d 位部落客按了讚: