〔深水埗街坊短訪系列:送中關我大件事?〕之六——我與藍絲老細的對話

轉自:深水埗小學鷄

前言:呢兩個月,有關反送中的事,全城鬧到沸沸揚揚。政府又鬧暴徒,示威者鬧政府暴政,在紛紛擾擾之中,深水埗街坊當然都各有睇法。之前見到北河街兩邊隧道的連儂牆,有人貼,有人撕,又好似有啲溝通,又好似無。到底我地呢個基層社區的街坊,點睇呢件事呢?

~~~~~~~~~~~~~~~~~~~~~~~~~~~~~~~~~

受訪街坊介紹:
深水埗街坊無比滴(化名),住喺深水埗區差唔多三十年啦

~~~~~~~~~~~~~~~~~~~~~~~~~~~~~~~~~
【在深水埗食彈】

第一天我係深水埗警署,作為街坊咪落去睇囉!見到真係好多著普通T恤同拖鞋嘅街坊喎!佢地仲行得比我前,唔知係支援定湊熱鬧,有時仲行得前過啲前線,係第二排左右,戴緊個啲好雞的口罩,有啲仲派卷俾後生仔,擔心佢地食唔飽,呢啲唔係叫外國勢力,而係街坊勢力囉!

我平時都去遊行同集會,自己係怕有風險,所以通常行完都會走。811個日好多街坊留在係西九出面十字路口,唔係好見到前面情況,仲有街坊口水戰,點知突然間幾粒催淚彈就出左,全部人向住嘉頓方向跑,有好多街坊無戴口罩,走避不及兜口兜面食哂!

今次反送中事件個矛頭肯定係政府啦,但發展到而家更嚴重嘅係警察濫暴問題。我真係好討厭差人,離哂譜,黑社會打人警署落閘,保護唔到市民你不如執笠,我係香港幾廿年都未見過!我自己就覺得,警察升級,示威者升級都係無可厚非姐,無理由下下被人打到頭破血流都唔還拖架。

【藍絲老細】

有日藍絲老細捉我入房講左一大餐,雖然佢都好明顯表達左唔同意班後生嘅,而態度都好誠懇認真。佢係好努力的中產,捱到而家先有心血,有呢間公司,係佢嘅諗法入面,係香港就係要遵守「遊戲規則」去玩,玩得勁就叻仔有出頭天,盡量拼命、盡量向上爬。佢明白後生仔爭取緊自己的權利,但如果香港洗牌再來過,有無問過好似佢個啲70後?辛苦建立的成果分分鐘無哂,咁樣會唔會好自私?

我自己聽,心入面當然好唔同意,而家咩時勢先?年青人見唔到未來,政府又唔見得真係有改善民生,下下都益哂地產佬商家佬, 係咪捱就會有成果我都真係好質疑。

佢仲有講,如果你唔遵守遊戲規則,咁你俾人打、俾人鬧都抵死。對於差佬咁對示威者,佢覺得無錯。「遊行就係遊戲規則,其餘你做咩都係咎由自取,你明知有危險都選擇出去,咁你俾速龍扑都係抵死,係你自己take risk。」

我就梗係唔接受呢個講法,市民本身有集會遊行自由,喂大佬而家好明顯係警權過大,點解仲要係佢收窄嘅「規則」度聽佢支笛,而唔係去反對本身已經被人剝削的自由先?

【一個基層市民與反送中】

反送中事件只是一條導火線令市民行出來,其實睇返近兩年政府愈來愈離譜,又改議事規則,又DQ立法會議員,咁姐係無代表我地嘅議事,任你政府亂噏搬龍門。我地呢啲窮鬼雖然少啲機會俾人捉返大陸。之但係,正如我有包煙放係枱面,就算我唔食,但唔等於你可以隨便拎走佢。政府陰啲陰啲,慢慢市民權利和自由就愈來愈被剝奪,到時真係煙仔都無得食!

無比滴
在深水埗生活了三十年的街坊

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.

%d 位部落客按了讚: