腦細陰招話你知

轉自:職工盟

嗰啲無良腦細計到盡嘅精神又慢慢出返哂嚟喇﹗我哋最近收到一間叫Jolly Kingdom嘅教育中心員工救助,佢哋所有中心因應八五當天有民間發起嘅罷工而關閉,不過過咗十日之後,公司就要求老師同員工要俾返鐘咁話喎,腦細仲好慷慨咁俾三個選擇員工,分別係:

1) 揾返另一日返工

2) 扣返八月五日嘅薪水

3) 用年假嚟補返八月五日嘅假期

 

就咁,如果係公司自行選擇唔營業,係僱主一方無履行合約提供工作,而唔係員工嘅責任,喺現行法例之下,公司仍須支付月薪員工工資。法例無話過公司呢啲臨時調動係要由員工承擔損失㗎﹗就住以上三點,呢間公司都好有可能剥削咗打工仔嘅權益,大家要留意喇﹗

 

1) 如果你本身一星期係返六日,唔洗返工嘅嗰日就係法定休息日,即係法例規定每 7天可享有唔少於1天嘅休息日,公司係唔可以唔俾你放假,法例講到明,僱主係唔可以強迫你喺休息日做嘢,所以只要你企硬,僱主係唔可以逼你做嘢。如果你本身一星期係返五日,由於你俾每周法定休息日1天為多,所以就要睇你嘅僱傭合約入面,有冇列明你放假嘅日子,又或者公司有冇權去作安排。

2) 喺現行僱傭條例中揾唔到任何條款,可以俾僱主因為自己提早關門而扣除員工嘅工資。目前,只係得《僱傭條例》第32條「扣除工資的限制」入面列出嘅情況下扣薪,而腦細自行決定唔營業一天就唔係範圍之內,所以唔可以扣薪。

3) 至於腦細可唔可以用年假嚟扣,答案係唔可以嘅﹗根據《僱傭條例》第41AA條「年假」第(4)款,「僱主須就其決定給予年假的時間向僱員給予不少於14天的書面通知,但如僱主與僱員雙方議定較短的通知期,則不在此限。」即係話,員工有權唔同意較短嘅通知期,咁今次腦細仲要隔咗成十日先出通知,當然就更加唔可以單方面強行將8月5日定做員工嘅年假啦﹗

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.