[椰殼裡的煙頭] 呢啲叫做「公了」

文:椰殼裡的煙頭

好多媒體用「私了」呢個字。

我反對「私了」。

但「私了」呢個字,其實係假設有得「公了」先成立。

市民係想公了,所以721走去報警,結果警署落閘,所以北角打人搵警察,結果警察放走疑犯。

根本已經無得公了,講咩私了。當一個人拎把刀斬你,你可以點?市民無得揀,你只可以比佢打,或者打番佢。(唔通斬到斷腳仲感化佢咩,現實中無甘多火影架)

「咁都唔駛打佢姐」,打佢唔一定係報復,而係要佢有代價。本身法律嘅制度就係你殺左人,命你就賠唔番,但都要監禁你,總之要你還啲代價,令到殺人要有成本,阻嚇你唔好殺人。司機車死人就甘放走佢,甘佢以後都可以任車啦。

「就算係甘都唔應該打佢」如果你係要傾「還代價的一百種方法」甘我都同意唔一定要打佢,其實罰佢去街市零保護清催淚彈毒物十年呀,去比啲富乜酒樓剝削洗十年碗然後唔出糧呀,無限搭地鐵比黑社會無差別攻擊之類,我都覺得ok的。

市民一開始見到黑社會去搵警察,市民要求獨立調查正正就係想「公了」。係警察自己唔執法,係政府拒絕調查,自己破壞左個「公了」制度,市民先要做埋政府哥份。

搞清楚,依家係市民要做埋「公了」哥份,唔係佢地無啦啦自己係度「私了」呀。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.