應唔應該幫港/黨鐵裝修?真係要問架?[草根反送中示威論之五]

文:無米炊   圖:牛、草

呢排地鐵俾人揼到殘,又話修理唔切,又話提早關門,仲久唔久就話呢個站唔開果個站唔開喎…….真係搞到我地好不便!

呢鑊示威者憎佢,早期只係因為佢在反送中示威以來與警方無限合作,一陣又話停乜站,一陣又話唔停乜站……搞到啲示威者好難去到現場,但當時都無話裝修黨鐵的。後期咁憎佢,係因為佢協同草菅人命,包括721唔肯開車,831大量人懷疑死左人但唔肯公開閉路電視!

不過呢,雖然呢啲就足夠抵佢俾人裝修,但無米炊我呢,好耐之前就覺得黨鐵該被裝修啦:今時今日香港市民生活咁陰公,所謂地產霸權,脅迫住幾多人為腦細賣命一生無哂尊嚴為左層樓,呢啲係慢性謀殺呀!其實多得黨鐵唔少!

1) 明明政府係大股東,明明話咩可加可減機制,但黨鐵壟斷左好多地方的交通之後,年年有加無減,大家被迫搭黨鐵,無得唔接受貴交通;就好似無錢要租劏房,呎租貴過豪宅咁唔合理!

2) 壟斷地鐵上蓋物業,推高住宅樓價租金,有份搞到大家為有瓦遮頭無啖好食!

3) 逢起地鐵必起商場,推高哂舖的租金,搞到啲社區小店無啖好食,甚至執粒!

一向都有人鬧啦,鬧極啲權貴都唔理你班蟻民去死架啦!不過,香港人真係好誇張,之前日日都被擠壓到咁,都搞到真係到疑似死左人先打起嚟,俾著歐美,就打左好耐啦!

官商勾結,必自作孽!


~~~~~~~~~~~~~~~~~~~~~~~~

(下篇: 爛玻璃和好玻璃合照)

編按:收到投稿,作者自言:「覺得好多人誤會基層就係藍絲撑警撑送中,自己都認識好多打工仔女落手落腳在現場做好多野,好似搭棚/剪電線/一齊衝出衝入/甚至一齊撞玻璃等等,仲有啲年紀大衝唔到但晚晚失眠擔心啲後生被差佬打。因此每聽到有人鬧『基層就一定係收錢撑警』,『基層無文化所以不支持民主』時,就覺得好冤屈。另一方面又真係有部份草根又真係唔生性信哂啲政府新聞,唉…今舖真係啞仔食黃蓮!(喂!大家唔好忘記:大把被家中父母長輩鬧到仆街甚至趕出屋的,都唔少係低中産至中産家庭啦!藍絲唔係淨係基層呀!)所以細佬我諗,企在基層打工仔女的角度,講下點解撑反送中示威--民主自由呢啲大路野,當然舉腳支持無反對,但除此以外都想俾多個角度大家!」

([草根.行動.媒體] 全力支持言論自由,願意提供平台讓街坊發聲,但不代表本媒體立場。及,連結為編者所加。)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.