[椰殼裡的煙頭]建基於人命嘅免費娛樂,唔係良心

79131015_10162756406080215_6692342376188346368_n.jpg

黎耀祥未係柴九,仲做緊史師爺哥陣,已經係我偶像,我仲自己曬相託朋友嘅朋友搵佢拎簽名(佢簽哥時問「自己曬架?」),依家仲貼緊係書櫃。

無線係我童年回憶,美味情緣尋秦記我前後睇過十次,連大唐雙龍傳哥首難聽電音主題曲都可以背得出。最後一套睇嘅係「無懼世事變改」,睇到一半無睇到結局。無再睇唔係因為做左中產(咪傻啦我哥時就係做緊無線呀幾諷刺,哥份糧點飲得起中產咖啡呀),係因為哥一年佔中。

啱呀,沉悶可以殺死人,唔駛錢嘅娛樂係好重要,會顧及比唔起錢嘅人,係良心黎。

但建基於人命嘅免費娛樂,就唔係良心。

尋日久違地睇到無線新聞,用左五分鐘時間,去講示威者點樣破壞,警方點樣必要地還擊。半句都無講前因,無講警察點樣毫無必要地用腳踩示威者個頭,點樣扭人隻手,點樣射盲記者。我睇完都覺得,呢班真係破壞社會嘅暴徒。

長年攻擊基層,淨係追住啲官。無差別襲擊你話係人群聚集,和平集會你話係暴力,目標明確打爛黑心商家財物你話係破壞,身為傳媒你唔監察公權力,仲不斷攻擊人民。幾多人因為無線鬧上街嘅人暴徒,幾多人因為無線見住頭破血流都話打得好。

一邊賣娛樂,一邊滿手鮮血。無線係應該,立,即,執,左,佢。

歸根究底,全港比一間公司壟斷大氣電波本來就係最損害市民利益,最無良心嘅事。點解質素差窮人都只可以硬食,而唔係開多幾萬個電視台比人揀?免費電視重要,但佢從來唔一定要係無線。貢獻過嘅係工作人員,但唔係無線呢間公司名。

良心唔係咁,感恩唔係咁。你係度得到過好多,我都係度都得到好多,但亦都有人因為佢,命都無埋都仲要比人鬧自己攞黎。呀,佢同你寶貝仔,係同一年出世架。

「我覺得好多觀眾依然需要TVB,即使幾差都好,因為不是每個人都有錢出去娛樂,很多人收工就是回家看電視。」

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.