勞工組手足投稿:我係普通話手足,我有嘢想講

轉自:勞工組

呢排隨住疫情升溫,我係日常生活上都遇到了一些小困擾。有一次上左的士唔係好耐,個司機突然拉低晒所有車窗,話佢聽到廣東話口音怪怪地就會加強通風。有一次搭小巴去唔熟既地方,開口問司機邊度落,隔離既乘客即刻神色緊張既彈開。近期又開始係網上見到幾間幫襯過既黃店貼出「不招呼普通話人士」。

其實我想講既係,用口音判斷個人是否染病,都非常唔可靠架。譬如,我雖然廣東話唔正,但我過去一年都無去過大陸,近期無同有大陸旅遊史既人往來,平時防疫措施亦做得好足。再來若我地仔細睇入境處既人流數字, 2月7日有七萬幾香港居民、一萬幾內地訪客;2月8日有一萬八千幾香港居民、不到一千內地訪客,每一日有大量的香港居民仍由連接大陸的口岸往返兩地,佢地受疫情影響既可能性仲高。

病毒唔長眼,病人無樣睇,我完全明白大家對政府既憤怒同對疫情既恐懼,然而時刻做好防疫措施,乜情況下都唔放鬆警惕先係抗疫上策。譬如頭先提到既的士司機其實無戴口罩架,與其用口音估個客幾危險,不如遇著邊個都戴口罩,勤消毒洗手保平安,否則車到岩岩出差返黎既廣東話人咪仲大鑊。

其實過去呢大半年,我同你地每一位一樣頻繁上街發夢,行過大大小小既戰役,亦都遇到不少普通話手足——上星期係醫護罷工點票直播街站派單張,都遇到個新移民姨姨,對於政府不封關好憤怒,又講起自己有一班黃絲新移民朋友,返工時間好長,但唔夠訓都要出來遊行。我只希望同路人可以不要咁快以口音落判斷,散播對特定群體既恐懼,大家齊心抗疫,齊上齊落。

#不封關不返工
#時代抗疫康復香港
#普通話手足
#不分化不割蓆不督灰

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.