都巿日報集團再欠薪!!

轉自:勞工組

METRODAILY拖欠6位freelancers超過十萬元薪金,6位freelancers分別任職freelance writer、photographer和makeup artist等,各追討數千至數萬元欠薪,合共超過十三萬元。

6人循多個途徑追糧不果,有的曾經是公司舊同事,合作多年,也有的經濟情況欠佳,需要問銀行借錢,以下是6位freelancers都巿日報拖糧情況的強烈憤怒,若都巿日報再不還錢,我們將會採取進一步行動。

1) 員工:貞子(逾5萬元欠薪)

//METRO DAILY一直拖欠我薪金,由上年中開始已經每兩個星期追一追,首先的藉口係「會計部員工離職」、「負責跟單的同事無做」,到直到搵到會計管主管JOE後,他的答案幾乎無次都係「公司下星期就會一次出晒啲票」,本來念在前僱主的關係,都相信一陣,但一直未有消息,最近再問Joe,佢最後的答覆係「未番公司,要再睇下」,之後已經已讀不回。本來念着過去的關係唔錯,一直「蝕做」,但呢間公司連最基本的尊重都無咗,亦都無誠信可言。我前前後後被拖欠超過5萬薪金,當老闆們可以周圍去旅行、晒家當,打去國泰扮VIP要求坐頭等的同時,其實我的數目只係微不足道,但呢啲老細根本唔係人!//

2) 員工:Ru (7200元欠薪)

//當時因為佢哋裁咗好多人,唔夠人做日報工作,本住同舊同事合作得好好,於是就應承最忙嗰日返去幫手,當時已經係拖緊正職糧,不過講到有買家,又話一定會出晒啲糧,仲話一有錢就會找晒freelance啲數,仲叫我寫低freelance list比佢,同埋欠幾多錢,總之有錢就會一次過清晒佢哋條數(因為以前有幫手跟開freelance啲數),佢講到咁都唯有信佢啦,做到12月就突然話有變動,咁咪開埋啲單,都諗住唔會咁快有票,之前幫其他freelance追數,都知佢哋係會拖,來來去去都係嗰啲答案,幫你跟下,留低個名,雖然係耐啲,但都總算有出,弊在依家得番個主管joe,以前有𡃁幫佢跟開啲數都仲好啲,依家裁晒人冇晒𡃁,可能連單佢都搵唔到,佢之前都試過唔見過人哋啲單,同埋據知有一位同我一樣去年11月同12月都係最忙嗰日先返工既同事,都已經出咗糧,咁點解佢有我冇呢?我都有份出力喎,出咗力點解冇糧出!//

3) 員工:J (14000元欠薪)

//METRO DAILY不斷拖欠薪金,之前打電話、send email等等,用可行的辦法追討,對方都會用盡各種原因去推搪,到最後直接唔聽電話、唔回覆,拖欠薪金已經不是短時間的事,本以為會好好解決,但一直等待到而家,仍然拖欠,無回應,好似拖欠薪金變成一件理所當然的事//

4) 員工:Shan(56000元欠薪)

//我在都市日報以FREELANCE形式工作多年,直至去年七月至十二月,我便一直被都市拖糧,欠薪達五萬多元。這半年時間裡,我經常向娛樂主管追討欠薪,而往往得出的藉口是糧單唔見左、財務部人士變動、搵唔到財務部D人、唔知邊個跟單…直至十月底,都市娛樂版大地震,最初話會裁走晒所有人,結果他們聘用了另一名編輯,而該編輯就大力游說我留底繼續幫手,並承諾會幫我追返晒所有欠薪,又話都市已有買家,往後唔會再無糧出,亦唔會拖糧結果我又再慘被騙多兩個月,至十二月中,該編輯話公司再有變動,不用我幫手了,最後他說會幫我繼續追討欠薪。另外亦給了財務主管阿JOE的電話我,叫我都向阿JOE施以壓力,在農曆新年前,我多次向JOE追討,當然他一如以往繼續地拖,又話新年前一定會比返晒D錢我,最終過完年至現在,我都冇收到這半年的欠薪,而這個阿JOE更人間蒸發,電話冇人聽,搞到我依家都唔知點樣再去追討,呢間公司的所作所謂實在太無良太過份。//

5) 員工:豬(7500元欠薪)

//我在Metro Daily以freelance 型式工作了幾年,每次在追糧的時候都十分困難,一般會以各種籍口來拖欠薪金,籍口之多真不能盡錄。唯本人膽少怕事,一直被拖欠對待而不敢發聲,有時甚至拖欠到沒錢過生活,只能硬著頭皮向銀行借錢過活,被迫要自己去支付銀行那高昂的利息去維持生活。一直以真誠去對待這間公司諗住共渡時艱,怎料上年6月傳出公司倒閉的傳聞後就一直沒有再收到出糧的錢,唯有一直問銀行借錢去過生活,一直去承受根本自己本來就不需要承受的利息,如果metro daily 一直準時出糧,根本我無需要走上這條不歸路//

6) 員工:LUN(9600元欠薪)

//Freelance photographer,遭欠薪九千六百元,由2019年8月開始 至今仍未收到由都市日報所發出嘅支票,循多種途徑亦未能追討,對方每次都會用各種理由一拖再拖,感覺都市日報非常不負責任!//

總結: 我哋唔會俾老闆一邊繼續周圍旅行晒家當,一邊拖打工仔糧,而家肺炎肆虐,尤其freelancers更加手停口停,都巿日報再唔出糧,我們會再進一步行動。

===================
勞工組簡介:2018年成立,一個由打工仔組成嘅互助小組,專治無良老闆。因應反送中運動,仲喺去年九月開始推廣一種冇大台,小組互助嘅罷工基金模式,等成員去抗爭可以冇後顧之憂。

勞工組和你追頻道tg: https://t.me/workercom
勞工組和你追公海tg: https://t.me/woneizeoi
===================

#勞工組 #和你追 #freelancer #拖糧
Metro Daily Hong Kong《都市日報》 metropop
https://m.facebook.com/story.php?story_fbid=1426798477479849&id=1076113639215003

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.