OT錢,你唔爭取就冇

轉自: 勞工組

87895880_1433704603455903_6170000290578694144_o
以下是真人真事,一個打工仔雖然喺香港未立法標準工時、簽嗰份約又無寫OT有補水既情況下,仍憑努力爭取咗OT錢!!!!!!!!!想以事主既自述文鼓勵一下大家,工運有幾勁,係睇打工仔肯付出幾多!!!!

OT錢,你唔爭取就冇
BY 黃小姐

2019年6月︰
本人2019年6月25日由agent公司 – RecruitFirst Limited聘請,於英國保誠Claims team擔任半年合約文員一職,在工作前於agent與本人簽約時,本人曾向agent查詢過有關OT的安排(即OT是否有薪),當時agent的答覆是︰OT無糧出的同埋正常情況下都唔會OT的,當時我都接受咗agent的講法,到7月初本人因未熟悉剛安裝好的system因此自願超時工作,個時仲有同事好好心咁走嚟叫我mark底自己嘅OT時間,因為OT有Claim返,我個陣仲同個位同事講agent話我OT無錢的,於是同事話幫我同manager講,個時嘅department manager (Jesses Chiu)話會同保誠HR同事傾下、了解下我OT係咪真係無錢。

2019年8月︰
到咗8月頭我同Jesses請假時,佢就問我有無收到agent出OT糧俾我,個時我話無,然後佢就覺得好奇怪點解我無收到OT糧都唔同佢講,仲話我係咪當自己做義工,因為佢話佢同HR同事已經approval咗我OT有糧出,然後我問Jesses需唔需我問下agent發生咩事,佢當下同我講叫我唔好驚動agent先,等佢問下HR發生咩事先,佢當時仲同我講,如果最後HR答覆係無OT糧的話,佢私下俾我OT可以補假,但事先同佢講我邊日放假,係agent個timesheet就照填個日返工,因此我係2019-07-05開始OT至2019-09-24一共OT咗40個鐘,過程中係補咗16個鐘假,仲有24個鐘係我10月8日離職前Jesses係未有任何回覆到底我個24個鐘OT係點處理,而我係9月9日遞辭職信後同10月8日離職當日都有追問過Jesses我的OT安排,但佢嘅答案都係一樣HR未有回覆或HR放假等,於是我離職當日將我OT總時數、補過OT假時數、剩餘未處理的OT時數、加埋我嘅聯絡電話寫下俾同事轉交Jesses。

2019年11月︰
件事去到我11月頭RecruitFirst有agent問我放咗幾多日年假時,我就問佢我OT筆糧點,個陣個agent話我OT無糧出的,然後我話保誠講咗我OT有糧時,佢話無收到任何保誠嘅資訊我OT有糧,於是我係11月尾就打電話向Jesses查詢時,佢嘅回答係件事仲處理緊,佢唔係無理件事,只係HR仲未俾我10月嘅timesheet佢,然後我就叫佢有消息要覆返我。最後我等到1月中頂唔順,又再打上去問,當時Jesses的態度非常差咁回答我件事已經係舊年嘅事,佢已經交咗俾HR同agent處理,本人亦表達佢從來無任何回覆,同時都表達咗件事對我嘅困擾,有提到佢地再唔處理就會告上勞資關係科,最後,本人感受到Jesses係無誠意去處理件事嘅情況下,於1月15日前往勞資關科開case。

2020年1月17日︰
RecruitFirst收到了勞工處的信後有agent打嚟同我了解成件事,我將成件事嘅timeline同佢講咗一次,亦都表達咗我要嘅唔係錢,而係一個公道同公義,但agent同保誠開完會後於1月21日俾我嘅答覆係,佢地有太多合約員工,將有OT糧同無OT糧嘅合約員工搞錯咗,於是俾咗誤會我,所以佢地係唔會俾剩餘個24個鐘嘅OT糧我,當時我有向agent澄清一件事,本人對於OT有糧出一事並無任何誤會,係當時的部門經理Jesses問我有無收到agent出OT糧俾我時,佢親口同我講佢同保誠HR都approve咗我OT有糧出,所以我無任何誤會,再者即使佢地真係搞錯咗唔同合約員工的福利安排,佢地有好多時間向我解釋,但由2019年8月至2020年1月期間佢地都無任何答覆,呢段期間係我主動向佢地查詢過4次都無答覆OT安排係點,直到我去勞資關係科開case後,佢地先開始正視成件事,最後我同agent講我會告保誠拖欠我嘅OT糧。而當我收到agent話保誠唔肯俾返OT糧我後,我向勞工組求助,當時勞工組有同工都俾咗方向我如何應對件事。

2020年1月23日︰
agent再次打嚟,佢話同保誠開完會後決定今次破例出返OT糧俾我,而本人極度不滿佢地用破例的態度去處理成件,我最大嘅感受係佢地到咗今日都仲係唔覺得成件事錯嘅係佢地,而我更深刻嘅體會係作為一位社工,我連自己被拖欠OT糧一事,都唔去為自己爭取應得嘅權益同公義,我唔知我日後可以點說服自己去同Client一同爭取佢地嘅公義同權益,因此我在此要求英國保誠向我交代整件事的內部錯誤過程、收到我投訴後的處理過程,並要向本人親自道歉。

當一個員工受僱於外判制度下、或合約制度下,好多時員工的福利會受到不同限制和剝削,就如我一入職就知道保誠員工工作時間是9-5:30pm,而自己的工作時間是9-6pm。喺呢件事上我深深地希望英國保誠真係要好好地檢討過程中的錯失,佢地所講過嘅嘢係需要付上責任的,唔係一句搞錯咗員工合約就拖人5個月時間,更唔係破例施恩俾你嘅態度,在於本人到今日仍然係深信社會公義和勞工權益的情況下,去為自己去追討一筆有幾多錢都唔知嘅OT糧,更希望以後如果有打工仔遇到類似事件,真係唔好怕麻煩,過程中的確會好氣餒、甚至想放棄,但一定要會有人同行,更要為自己的勞工權益堅持到底。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.