[將垃圾變為神奇]系列-(2)舊布做帆

轉自:深水埗小學雞

上次我哋講到,東叔介紹霉布點樣攞嚟做手袋材料,今次我哋再分享另一個東叔口中廢物利用、資源循環嘅故事啦,就係攞舊布嚟做帆喇。喺六十年代,喺製衣廠蓬勃之前,香港普遍有好多染廠同印花廠。當時工廠仲未機械化,需要靠人手印布,有啲染廠同印花廠嘅工人會喺印布時,搵一啲質素最差嘅布嚟塾底。喺長年累月印布嘅過程中,顏料同漿糊會慢慢滲透到塾底嘅布上,逐漸地呢堆布因為吸收咗好多顏料同漿糊,變到「成餅」咁,「硬掘掘」。東叔話:「呃?硬掘掘?我哋就有用啦!」硬掘掘嘅布都有人賣?東叔就繼續講。
.
喺六十年代尾,香港仔、油麻地等岸邊,有好多漁船。以前未有摩打出現,所有漁船都係帆船,依靠帆帳推進同航行。用帆布做帆,成本好高,唔係咁易負擔得到。呢啲「硬掘掘」布又實淨,又襟用,就正好可以做帆布嘅替代品,仲可以用嚟「擋風擋日」。
.
東叔同行家會以擔從工廠買嚟呢啲布,(一擔大約有一百斤,大約60kg),再以擔賣畀「蜑家婆」車做帆帳。
.
東叔仲話,主帆–帆船上最大的帆–會用上最靚、最實淨嘅布,甚至有可能會落重本錢用真正嘅帆布,因為帆布十分厚。但副帆就唔同,用來駛軚轉風,面積比主帆細好多,很多時會用呢啲硬掘掘嘅塾底布去代替。
.
舊布做帆呢個過程維持咗大約二至三年,大約60年代尾,開始有摩打船出現,東叔指蜑家人一儲到錢就會買摩打嘅船,唔再用帆船。而帆船式微之後,蜑家人都無再從小販收啲塾底布嚟做帆喇。

重溫[將垃圾變為神奇]系列-(1)「霉布」重製手袋:https://wp.me/p2HdPx-568

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.