[將垃圾變為神奇]系列之一至二 – 東叔訪談整理(3)

轉自:深水埗小學雞

布頭布尾之一 – 「威士」

「仲有啊,細細塊都好啦,布頭布尾都好啦,做咩啊?」東叔考小編問。
「公仔衫?」
「唔係」
「抹嘢用嗰啲?」
「又唔係…抹嘢?啱啊」
東叔做咩話唔係又係?原來佢本來想介紹另一樣野。既然講開「抹嘢」,我哋就講咗先啦。
.
製衣廠造衫會餘下好多布頭布尾。有人會去回收棉質的布頭布尾,再賣畀工廠搗爛,做成「威士」(小編估可能係wipes既譯音),之後再賣給五金鋪、電導廠等,用來吸油、清潔機器,又唔怕會刮花金钃或油漆。東叔話做「威士」嘅布一定要係全棉,有膠質嘅話抹機器會唔乾淨。換句話講,尼龍,或者尼龍混棉既布就一定唔得。
.
「威士」有純白色,亦都有雜色。一般的機器,粗用,用雜色的就可以了。但較精密的機器,例如五金、做鐘錶的電子儀器,避免弄髒機器,就需要品質較好又純白色的「威士」了。

.
至於東叔原本想講咩?我哋下星期開估~

布頭布尾之二 – 「威士」

記唔記得上星期東叔叫我哋估下布頭布尾有咩用呢?原來佢準備講嘅係小編諗都未諗過既嘢!
.
在60年代,人們會買布頭布尾,加工變成鞋撲,再賣給別人。鞋頭和鞋根比較硬,就是因為加了鞋撲。做鞋樸的布沒有特別要求,唔似做「威士」咁,一定要用棉布。人們會在流水的地方旁,(例如「李鄭屋的生坑」),浸濕布頭布尾,再用鷹栗粉、糯米粉煮一啲漿糊,塗到布上面,鋪在石頭上,等它曬乾變硬,就可以攞嚟做鞋頭樸同鞋踭樸。不過在70年代,已經開始少人咁做了。
.
咁之後,布頭布尾會唔會賣唔出呢?下次話你知。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.