[將垃圾變為神奇]系列之三至四 – 東叔訪談整理(3)

轉自:深水埗小學雞

布頭布尾之三 – 電導樸
.
上次講到,到了70年代,用布頭布尾做鞋樸的風氣開始式微。不過又唔洗怕布頭布尾賣唔出喎。當時香港多工廠,有人會買布頭布尾返去加工,把它們變成電導樸,再賣給電導廠。不過跟做鞋樸有所不同,做電導樸的布必須是棉布(似乎做機械相關的布料都要用棉布)。它們會壓成一個圓圈,中間有一個洞可以讓軸心穿過,放在摩打上,就可以把金钃「省靚省滑」。
.
「仲以為電導樸係用絨布做嘅添」小編回應。東叔就話,有分時期的,在最尾後才用絨布,但以前就係用「依啲爛鬼棉布」。東叔又話,後來因為加工的人工貴,質素又未必好,所以依家會用靚布新布做,搵機械直接壓成,方便又快手。
.
「咁咪其實有個行業(加工業)消失咗囉?依家啲人全部用新嘢…」小編咁話。
「無架啦。」東叔回答:「個啲靠勞力、靠人的手加工就少的了。」
.
咁到底依個改變,對人們的生活和環境,是好是壞呢?

布頭布尾之四 – 「棉花」
.
仲有一種布頭布尾 — 牛仔布。牛仔布其實都是棉布,但密度高,有工廠回收搲爛後,做成間棉,再加工成「卡曲衫」。「卡曲衫」,或者叫「卡曲褸」 (car coat),起源於二十世紀初期。因為當時嘅汽車並不是完全密封,冬天坐車會很寒冷,所以就出現了這款保暖外套。卡曲褸的表面會刮上一層膠,就可以防水了。
.
這種把布搲爛製作為成的棉花,今時今日就會叫做「黑心棉」。可能因為當時全球物資不似當今充裕,而純棉花又貴,所以這種「黑心棉」都會廣泛使用,做成衣服、被或者是間棉。除了牛仔布,扯布(即是梳織棉布)都可以搲爛成「黑心棉」。不過因為牛仔布較重,製成到的棉花更多,所以較多人會回收牛仔布再造。
.
現在黑心棉現在已經被禁止,取而代之的是尼龍棉。做手作經常用的公仔棉就是其中一種了。講明是尼龍,即是塑膠的一種,學東叔話齋,係「由石油噴出黎」。因為是塑膠的關係,尼龍棉比起純棉更耐用,更有彈力。尼龍亦更容易做出漂亮同鮮豔嘅衣服。東叔話,以前未有尼龍和石油產品時,製衣只能靠純棉。東叔又話,不過講到尾,純棉製的衣服保溫功能更好,著起又最舒服。

[將垃圾變為神奇]系列暫時到依度啦,再有小販舊故仔,再同大家分享啦~

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.