半個胃

轉自:拾平台

101947605_1385942704937125_4677833671008592145_o

有日喺紅磡周圍搵啲街坊,行行下見到有個街坊推推下車,上氣唔接下氣咁停左喺到,咁梗係即刻發揮急救員本色,上前問下婆婆咩事。

「婆婆,見點呀,上氣唔接下氣咁嘅?」
「哦係呀,我周不時都係咁架,抖一陣就冇事架啦唔駛擔心。」
「擔心架,一個人喺街如果暈低就幣啦!我肉緊啲咁講。」
「咁我又未試過,都係扯下哮姐哈哈,後生仔多謝你關心喎。」

「成日都扯哮係唔係氣管有事呀?」
「哦唔係呀,因為我之前有胃癌呀,跟住切左半個胃,醫生話除左會影響食野之外,會影響埋個肺呼吸喎,會唔係咁順咁嘅。」
「下,乜個胃都會影響呼吸架?」

李婆婆(化名)喺十年前患左胃癌,要切除半個胃保命,之後一直都要面對消化同呼吸兩大難題,一來要長時間食流質嘅食物容易消化,二來要好好控制自己嘅呼吸,唔好令自己抖唔到氣。跟住我問佢:

「唔好執啦咁辛苦,成日都會索晒氣喎?不如攞長者津貼仲好。」
估唔倒佢咁答我:
「唔係呀,執下好呀,有得郁動下啲手手腳腳,咁執紙皮嗰時都要用力,個肺會運作好啲,好過坐喺屋企生銹呀。」

咁又係,喺屋企唔郁可能仲退化得快添,老人家自己都會諗點保養自己身體,亦都會選擇對自己健康狀況較好嘅方案。我地後生有時會成日覺得老友記唔識諗同固執,唔聽人講,其實大家都有自己嘅自主性,佢地都有權選擇啱自己狀態嘅生活方式。我會諗如果到佢呢個年紀,成身真係硬晒軚都唔個點算,梗係要搵啲野做下郁下啦,李婆婆就覺得執紙皮好自由,冇人管佢,佢鍾意去邊就去邊,鍾意收工就收工,最緊要有好多途人會關心佢,佢覺得好安慰。

能夠對自己嘅生活有得選擇,有自主性,做嘅野又可以好自由冇拘束,拾荒又幫緊社區做環保工作對人有貢獻,仲有好多社區唔同嘅持分者同李婆婆連結,唔知呢啲嘅元素係唔係就係老友記晚年生活嘅期望呢?

又或者…
都係我地每個人對自由民主社會嘅期望?

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.