[2020新專欄!]~[腦細怪談]/1/孤寒腦細夾錢請萬能秘書

photo6302877929109039656

文:林紫蘇 插圖:小江

「講真,大腦細面試第一句就問我幾時辭職,你說我何必為他挨呢?」

阿P(化名)笑言雖然她是一間大保險公司的區域總監的秘書,然而,她卻不是這間公司的僱員。事緣,這間保險公司對升到總監級數僱員有種優惠,會在他們的薪水裡面出多一筆讓他們可以請私人秘書的錢,但他們若不要請人當秘書,都得,可以袋袋平安,公司也照出呢筆錢俾佢。有好多高層的職員,因孤寒唔想自己在薪水中拿錢去請一個全職秘書,但又想有個跟頭跟尾斟茶遞水的人,於是往往便夾錢出一份薪水去請一個同時服侍幾個腦細的秘書。因此,阿P簽的勞工合約,與大公司無關,故而公司僱員本身有的福利,如醫療、上班的穿梭巴士等,與她這位「人人秘書」無關,雖然,佢日日都喺大公司的辦公室裡番工。

更複雜的是人事,腦細A和B是姐弟,細佬係大腦細,而細佬的老婆、老婆的妹夫,都在這間公司工作。另外仲有個秘書,係皇馬胯,皇親國戚,乜都推俾人做仲成日老點,日日對住佢人都癲。大腦細係區域總監,下線有200個不同級別的保險經紀,包括腦細們的皇親國戚。這些營業員都靠老闆接到的單維生,整天在外面跑,而他們的收入,全部都要付佣金給大腦細。換句話說,大腦細每月坐係到唔洗做都已收入可觀。然而,P這位小秘書,就等同係嗰200人的秘書,她笑說:「公司有做過調查,110個可以請秘書的人裡只請了4個秘書,換句話說,每人都有幾個老闆,而他屬下營業員,都會覺得你是他們的秘書,分不清楚,工作好混亂…200人!人人每人給我$100我都發達啦,可惜無!」

咁,這份工人工高唔高?在201幾年,呢份咁難做的工的人工居然係:「首三個月未過試用期的月薪是$9000,過了試用期是$9500。」!!?

「做這份工,真的尊嚴擺到落枱底!」P一提起她現在這份工就憤慨莫名,但因為之前搵錢交學費,做過太多散工短期工,佢想自己履歷表上有一份做超過兩年的工作,那麼日後搵工易少少。不過她亦提到,那位前任大秘書教懂她很多事,叫她學懂即使環境惡劣也要爭取自己權益。那位大秘書教她見工時,如果老闆一開頭說過了試用期加薪,當時就應問即是加多少,咪俾啲老闆朦混過關。

=======================================
[腦細怪談]/採怪談者言

香港地除非含金出世,唔係都好難唔番工。啊,唔係,係含金出世都要扮番工,因為番工,係一種道德,係山竹打到嚟你都一樣要好乖咁去番工。世上的腦細,俾左錢你當你可以洗盡的不在話下,洗盡人仲要扮好老細的都不少。
有時腦細當勞工法例無到(咁又真係用處唔大的),蝦你唔敢告佢,就算告完都唔會賠幾多;有時,根本係個制度縱容腦細買起人命,於是就有人見風駛盡利啦,唔犯法架嘛;
有時腦細唔犯法,但捐窿捐罅剋扣你,又或者每日搞到你情緒勞動200%,呢啲無勞工法例可依,一係單打獨鬥一係自己認死狗一係聯合同事諗偈……

職場看似正常,事實古靈精怪,百鬼夜行,十足怪談,故有此系列,收集各位打工仔女的《腦細怪談》,係咪可趨吉避兇就唔知,但至少可以知多啲怪招,諗定偈仔,又或者,呻下都好過屈住!
本系列其他文章

====================================
[草根.行動.媒體]

網頁:https://grassmediaction.wordpress.com

臉書:https://www.facebook.com/grassmediaction

telegram channel: https://t.me/actionofgrassmedia

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.