【國安未立法 時裝企業品牌H&M先為員工以言入罪鋪路】

轉自:吳敏兒 Carol Ng

最近有消息人士透露,時裝品牌H&M 公司將會有一份嘅新員工守則要求所有僱員簽署,內容涵蓋員工嘅個人言論、政治立場以至衣著等等。

返工已經唔只係買起自己嘅辛勞以及時間,更加係買起自己嘅言論自由以及人生。條文列明,員工不能代表H&M公司所發言,亦不能穿著表達個人意見的衣著等等。

但公司又點樣介定何謂衣著表達個人意見?彩虹色係咪又唔得?基本法賦予嘅言論自由,H&M又是否有豁免?定還是只要有利於政權,就乜都無問題?

仲記得上年反送中運動開始之後,航空界紛紛出現唔同層面嘅白色恐怖,好多航空界嘅手足因為網上留言要求落實五大訴求而被公司解僱。即使係使用個人帳號,亦被身邊嘅同事「篤灰」。監察無處不在,令生計不保,更令人聯想起1984中嘅「老大哥」。

H&M更改員工守則前從來無諮詢過工會以及員工嘅意見,更要求所有員工簽署「確認書」,國安法未立法,大企業已經率先投誠,實在如極權政府一貫作風。

白色恐怖就如同病毒一樣,必定會漫延到其他企業,並形成企業自我審查更有機會發展到政治打壓等等。我嚴正呼籲H&M所有員工立即加入工會,並不要簽署確認書。以及希望社會各界、以至國際密切關注及聲援H&M員工。

昨日國泰,今日H&M,他日將可能會到自己。

#H&M #國安法 #1984bigbrotheriswatchingyou #不要再有下一個國泰

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.