拾平台:俾時間

轉自:拾平台

朝早收到戰友求救,有街坊喺粉嶺俾食環清場,於是即刻飛過去睇下可以點調解,街坊其實真係儲左好多野,亦都唔係第一次俾人清,兩位社工同事夾手夾腳幫街坊執一執啲唔等使嘅野,趁佢唔覺唔覺掉左啲真係冇用嘅垃圾,留番啲可以回收嘅野分類。街坊話今朝食環嚟清佢場嘅時候,佢真係好唔開心,唔開心在於次次都好似針對佢,其他人走得快啲惡啲食環就唔敢搞佢,好嬲點解剩係搞佢。
於是我地同佢解釋番,人地成班人陣容鼎盛梗係唔敢搞啦,你一條冷仲唔恰你咩,就係因為你冇還擊之力嘛!不過講就咁講,我好認真問佢,擺喺到嘅野有幾多係真係有用?其實你好清楚。佢定一定神冷靜落嚟冇咁有情緒嗰陣,佢都知道自己多野,不過因為佢一個人唔係太有能力處理到咁多野,手腳慢處理唔晒。跟住我咪話咁咪啱囉,你唔要嗰啲野咪俾食環掉左佢囉,仲慳番你唔駛推過去垃圾站。街坊就係都唔想啲工友清佢場,係都要話自己攞去掉,因為啲野係佢。其實好多街坊嘅情況都差唔多嘅,會有囤積嘅習慣同埋搞唔掂累積嘅雜物,幸好有戰友佢地長期喺呢區睇住佢地。

大家執執下過左段時間,索性坐低抖下吹下水。呢個時候就係要為街坊充權嘅好時機,我地詳細講番食環成個票控嘅過程會有啲咩做,佢會有啲咩權利同方法可以點申請攞番架車,又話俾佢聽一啲以前遇過嘅例子等佢之後要提防下唔好俾人捉。街坊話我地識咁多野真係要教下佢,佢真係咩都唔知但今日聽左好多野,呢段對話唔單止為街坊喺使用街道同食環執法嘅認知中充權,而且俾倒佢建立左同戰友嘅信任。
正如戰友話齋,真係要跟佢成日先至可以建立到個關係架。落區外展要用一日時間去同個街坊建立關係,喺專業嘅社工服務嚟講真係一個好昂貴嘅成本付出,亦唔係到到ngo 都肯同你一齊顛去跟街坊,但我同戰友都好認同嘅就係,落到區你就會真係知道係冇得計算嘅,因為關係就係要用時間,就算當唔當佢係一個case 咁做,成本都係要有,時間係要俾出嚟冇得諗縮數。

同佢地嘅分享俾我地整合到一樣野,要做拾荒者嘅組織同服務,「勞動支援(拾荒工作)+ 長者服務介入」係一個好好嘅實踐模式,熟悉拾荒工作同生態,可以即時處理倒佢地日常嘅問題,關係建立就可以長期跟進佢地生活上嘅需要。不過用呢個模式你就需要認識多一個勞工範疇嘅野,因唔係剩係諗俾咩服務佢,而係顧及埋佢工作上嘅權益。呢個模式唔單止用喺拾荒群體,一大群勞動嘅長者如外判清潔工友、保安員、洗碗清潔等等,都可以引進介入。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.