文： 請為社會上說不了話的人出聲
我的姊姊是中度智障。等了十幾年，今年終於等到宿位。
我是幸運的一位，原因係我家仲有資源去照顧姊姊，但其實六年前我媽入了醫院幾個月，爸有腦退化，我當時剛剛出黎社會打拼，一時之間我要照顧三個。我問社署有沒有方法幫姊姊有一個宿位，佢話政府資助的要再等多十年。佢地完全沒有人為佢地爭取。等咁多年，好多家庭都負擔不了。
社署條友仲叫我安排姊入私家，就是因為私家的信唔過我才需要等。姊姊佢係不懂得保護自己的，要將她放在私家，如果遇到好似幾年前有間私家的宿舍長性侵犯佢地果位，咁點算。呢個政府不知所謂。
社署點解咁多年都好多社福設施唔夠，正正係呢廿年的政策係唔會搵一個獨立的地土去建設施，而係在房屋署新建的公屋搵啲地方做。但近年都冇地，新的屋邨少左咁多，哪裏會有地方安排佢哋，係俾單位都俾老人中心啦，不會令社會有大回響嘛。好慘，我年年都會在施政報告諮詢期入呢個增加宿位建議，不過沒有人去回應。
少宿位到一個程度，係我知道有一位伯伯與他中度智障的仔相依為命，住柴灣，等左十幾年，派到去元朗的宿舍。伯伯行動不便，但知道有個位俾阿仔有人照顧佢終老，都要接受。好慘。
圖︰呢餐飯係我捱左兩年，由媽媽倒下行不了，到兩年來再次走得到後的第一餐。爸爸在呢段時間有時會問我：「阿女，可唔可以食少餐水餃」（因為我太忙只可以煮最快完成的）
*******************************
版主CM︰
1) 明報今日都有報道，根據社署資料，截至2020年7月31日，嚴重弱智人士宿舍平均輪候160.5個月；中度弱智人士宿舍平均輪候144.3個月；嚴重殘疾人士護理院平均輪候68.4個月…….
(資料來源︰t.ly/aToy)
*******************************
Day Day Explode 日日爆而家有fb同ig啦！
