【房署清潔工同工不同酬 港共照舊剝削抗疫前線】

轉自: 職工盟

港共響今年年頭無聽醫護等等嘅專業意見,一意孤行將香港關口大開,結果導致多次本地武漢肺炎大爆發,經濟大停擺,更引致過百人染上武漢肺炎而死亡,勞民傷財到最盡。
抗疫最前線除咗一班醫護之外,更包括清潔工、保安、酒店業等等嘅手足。疫情之下,保安員嘅工作比起以往有所增加,除咗一般嘅巡樓或者大廈保安之外,更加需要協助定期大廈樓宇清潔。工作量雖然增加,但保安員嘅待遇並沒有所提升,外判商帶頭剝削員工,政府亦無去主動維護保安員以及清潔工嘅權益。
政府舊年改革員工外判制度,增加工資響投標評分嘅比例,本來就係一件好事,但港共施政一直錯漏百出,結果就導致舊合約制嘅員工比新合約制嘅員工更低人工。
天晴邨其中一位清潔工友詩姐工作十二年,今年依然沿用舊合約,同隔離邨新合約嘅工友人工相差$3600,工時相同,工作內容亦相同,但就出現同工不同酬呢個問題。合約到期後,如果外判公司唔重新招標,更可能出現「三年又三年續約」嘅低薪問題。所以今日十幾位工友連同區議員以及工會去到房署抗議,希望能夠將薪酬統一,還呢一班守響抗疫前線嘅工人一個公道。但社會上好似詩姐嘅情況,又點只咁小呢?
疫情下,清潔工友勞力就照付出,政府剝削就照舊,難為林鄭以及一眾高官每日坐響冷氣房「抗疫」。民生政策倒行逆施,政治操作、清算醫護等行為又處處做盡,呢一個政權,真係一個民主,為人民嘅政府嗎?
#清潔外判 #剝削員工 #房署清潔工 #同工不同酬 #天晴邨清潔工 #抗疫前線
------------------
職工盟聯絡方法:
熱線:2770 8668

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.