【香港01 公然污名化外傭 無理指控形成歧視】

轉自: 職工盟

香港貴為國際都會,居然連外傭嘅懷孕權利都保障唔到,更有媒體「教路」,處處諗計到底可以點樣剝削傭工。更惶論如果不幸地僱主信以為真,甚至曲解文章內容,更有可能會觸犯法例。勞工法例好多時都有唔同嘅灰色地帶,年中都有唔少工友中到呢一類「法例陷阱」導致自己失去權利。政府管治無能,亦無諗住去修補呢一類漏洞。政府帶頭犯錯,媒體「教路」僱主走灰色地帶,更加係無任何道德可言。
工人懷孕好可怕?

「空姐突然講懷孕?僱主點算好?」「其實國泰喺呢方面係完全冇保障,更反過來要照顧佢哋。」職場女性經常遇上懷孕歧視,如果自己或身邊人遇到,相信肯定會大鬧對方係無良僱主。但在個別行業,依上既講法就忽然變得好「正常」,甚至被當做「專業意見」。近日我地發現香港01既報導,竟然引述僱傭中心的說法,暗示當面對外傭懷孕時,外傭僱主可以聯同中介公司,脅迫外傭簽署「以私人為由的辭職信以保障自己」。當中言論唔單止充滿偏見,敵視勞工權益,而且公然鼓吹違法行為,令人震驚。

謹慎評估開支,預留應付未付帳
當然,外傭僱主不是大企業或大財團,並非每個家庭都有寬裕的財政。面對突如其來的工人開支,措手不及是完全可以理解。所以,在考慮聘請外傭前,應該謹慎評估預算,不要視勞工權益相關的款項為「額外支出」。反而可以傚效一些良好僱主,預留一筆錢作為「應付未付帳」,用作未來支付長期服務金及產假等等款項。

不論員工又好,外地傭工都好,懷孕都係基本人權,員工為公司或僱主付出,公司去保障員工,呢一個正正就係勞資關係下良好嘅互相保障。說到底,香港人之所以需要聘請數十萬外傭,其實與超長工時的工作環境及苛待照顧者的社會福利制度密切相關。要爭取公平合理的照顧者制度,與其想方設法壓低開支,將問題轉嫁到東南亞工人,不如齊心協力改變長工時及改善照顧者待遇。近月泰國風雲色變,「奶茶聯盟」令人再次反思香港與東南亞國家的關係。其實東南亞工人也可能是我們的手足,面對獨裁統治者以及比香港更糟糕的經濟,她們可能也與我們一樣,心底都擁有「煲底見」的願望。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.