專欄~[腦細怪談]/10/呢到唔准聽電話架腦細!

文:林紫蘇 /插圖:小江

話說推廣員阿馨(化名),曾在港島某大百貨公司內做某隻牌子的玩具推廣員(promoter)。其實,呢個時代,腦細係邊個都唔確定啦,雖然真實腦細係個中介公司或某個品牌的公司,而日日對住你點你做野的百貨公司職員同經理,又唔係你腦細,但如果佢同你腦細投訴,咁你份工就凍過水。一般來說,品牌渴望在名牌的大型超市或百貨公司有專櫃,因此與超市或百貨公司的關係處於下風,故如超市或百貨公司的人想「做低」某個推廣員,公司的議價能力也不算高。大百貨公司職員揸住雞毛當令箭,日日指指點點已經好煩,見到你坐一陣又話你。大佬呀,唔通企足十幾個鐘咩!

咁呢間百貨公司有個規矩,就係無論係正式職員定係各牌子貨品promoter,都唔可以在櫃面講電話。但係呢,阿馨個腦細,明明知道呢啲規矩,但就少少事都要打電話俾佢,搞到佢成日要偷走入倉聽電話!有好多次,都俾啲百貨公司職員發現,發老皮鬧佢,咁阿馨唯有焗住認死狗啦,但係講真:腦細電話,真係可以唔聽?到阿馨俾百貨公司投訴,腦細又有無撐佢先???

==============
[腦細怪談]/採怪談者言

香港地除非含金出世,唔係都好難唔番工。啊,唔係,係含金出世都要扮番工,因為番工,係一種道德,係山竹打到嚟你都一樣要好乖咁去番工。世上的腦細,俾左錢你當你可以洗盡的不在話下,洗盡人仲要扮好老細的都不少。
有時腦細當勞工法例無到(咁又真係用處唔大的),蝦你唔敢告佢,就算告完都唔會賠幾多;有時,根本係個制度縱容腦細買起人命,於是就有人見風駛盡利啦,唔犯法架嘛;
有時腦細唔犯法,但捐窿捐罅剋扣你,又或者每日搞到你情緒勞動200%,呢啲無勞工法例可依,一係單打獨鬥一係自己認死狗一係聯合同事諗偈……

職場看似正常,事實古靈精怪,百鬼夜行,十足怪談,故有此系列,收集各位打工仔女的《腦細怪談》,係咪可趨吉避兇就唔知,但至少可以知多啲怪招,諗定偈仔,又或者,呻下都好過屈住!
本系列其他文章

====================================
[草根.行動.媒體]

網頁:https://grassmediaction.wordpress.com

臉書:https://www.facebook.com/grassmediaction

telegram channel: https://t.me/actionofgrassmedia

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.