[2020新專欄!]勞法知識無人識?/六/延長法定產假生效日點計?誰有份?

文: 勞非奴



見到延長法定產假四星期剛剛公佈2020年12月11日生效,咁我朋友預產期本身係12號生產,但就早左少少,啱啱尋日3號BB已經出左世。
其實個生效日係點計?我朋友咁,係咪都有14星期產假?

同埋,我都叫朋友問過佢公司,但佢公司話,都未係好清楚,不過聽過話有得問政府申請補貼,咁公司都手緊,就算係放14星期,最尾4星期嘅錢,都要等公司申請到補貼先畀番同事…想問下,公司咁做係咪有問題?


勞非奴:
首先恭喜你朋友BB順利出世先!

不過有啲唔好彩……雖然你朋友嘅預產期係生效日期之後,但今次新法例嘅保障係以實際BB出世嘅日期計算:

  • 如果BB實際出世日期係12月11日或之後,又合符勞工法例對有薪產假的要求,就可以有14星期有薪產假
  • 但就算預產期係12月11日或之後,但如果BB實際出世日期係12月10日或之前,根據法例就都係只有10星期有薪產假了……

不過,其實勞工處本身的常見問題解答都話:「如僱員的預產期接近《修訂條例》的生效日期,僱傭雙方應就僱員的實際分娩日期保持溝通,以確定僱員可享有10個星期還是14個星期的法定產假。」咁所以都係同公司商量下,睇下有冇得傾啦……

至於,今次如果放14星期有薪產假,公司等申請左補貼,收到錢之後再支付得唔得?

當。然。唔。得。啦!

法例規定,僱主須在正常糧期支付14星期有薪產假,一經定罪,最高可被罰款5萬元。如僱主唔熟法例,都提醒下佢唔好以身試法啦!還是請僱主乖乖先出糧,之後再向勞工處申請「發還產假薪酬計劃」發還4星期的五分四工資補貼啦,發還的補貼以每名僱員80,000元為上限。

不過勞工處話2021年上半年才盡快推行發還計劃,所以都提僱主等多一等再提交申請啦。

流產可享有薪產假定義放寬

順便也講埋,今次對流產可享有薪產假的定義都放寬了,由以往「懷孕滿28星期或以後產下不能存活嬰兒」可獲有薪產假,放寬到「懷孕滿24星期或以後產下不能存活嬰兒」已可獲有薪產假。
如果不幸流產,而流產日係12月11日或之後,就可用新的「懷孕滿24星期」定義

同埋,亦由以往只接受「由註冊醫生或註冊中醫簽發的醫生證明書」,改為接納「由包括註冊醫生、註冊中醫、註冊助產士或註冊護士所簽發的到診證明書」,作為僱員接受產前檢查當日有權獲得疾病津貼的證明文件。而只要產前檢查的日期係12月11日或之後,就適用於新規定不過,勞工法例的有薪疾病津貼是要連續四天以上才有薪,咁呢個轉變都未必有好大分別啦。

香港有薪產假周數仍不算高

雖然今次的有薪產假增至14星期,終於達到國際勞工組織建議最少14星期有薪產假的標準,但這也是很多勞工團體爭取很多年才成功爭取,且團體同樣爭取多年的全薪有薪產假 ,就仍然未有,仍要繼續爭取啦!

且縱觀新加坡有薪產假有16星期(全薪)、英國有薪產假是39星期(九成工資)、瑞典有薪產假更有68.6星期(其中頭390天是八成工資,餘下的90天則以180瑞典克朗[約165港元]支薪)(註1);香港的工時水平還要處於全球首位(註2),香港的勞工權益仍是嚴重不合格啦!

註1:
各地產假長度及工資水平參考自立法會秘書處資料研究組文件https://www.legco.gov.hk/research-publications/chinese/1617in05-paid-maternity-leave-in-selected-places-20170210-c.pdf

註2:
根據瑞銀集團的《價格與收入》(Prices and Earnings)2018年研究報告,香港每週平均工時達到了52個小時(全年平均工時為2172個小時),在77個城市中排名第一
https://www.ubs.com/microsites/prices-earnings/en/intro/

參考資料:
勞工處 法定產假由10個星期延長至14個星期 常見問題解答:https://www.labour.gov.hk/tc/public/pdf/Frequently_asked_questions_with_answers_EAO2020_tc.pdf

===============

勞非奴語:

作為勞工團體前員工,接觸過大量勞法個案/查詢,經常覺得勞法知識應該列入中學必修課。

至少確保畢業後的打工仔女不會被老闆呃,連老闆犯左法都唔知地逆來順受。

大家有何勞法疑難,歡迎FB PM或留言查詢 (請註明:勞法查詢)。

其他[勞法知識無人識]專欄文章

====================================

[草根.行動.媒體]

網頁:https://grassmediaction.wordpress.com

臉書:https://www.facebook.com/grassmediaction

telegram channel: https://t.me/actionofgrassmedia

 

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.