專欄~[腦細怪談]/12/做架倆?玩唔到佢咪玩你囉!

文:林紫蘇/插圖:小江

又係阿馨(化名)的故事,話說阿馨都曾在某服裝店做全職sales。她曾介紹一個單親媽媽去做,不過碰巧這位女士上班第一天剛巧唔舒服,疴嘔肚痛。個經理不單不體諒,仲鬧佢懶,或者是認為她唔聽話。

阿馨形容個經理「好衰」,成日炒人,雖然不是炒自己,但佢都覺得:「真係睇唔過眼,好痴線」。如果經理認為某員工唔聽話,就會玩佢,如故意調她到去偏遠或離她居所很遠的分店、指派她走來走去、安排她在假日上班、排更排一些不好的時段或不給她排更讓她沒有薪水(未夠418*的員工)、故意拖欠薪金等等。

當時個經理就係咁玩呢個單親媽媽,結果個女士頂唔順,未做夠一個月爆左句粗鬧完經理就劈炮唔撈。阿馨自己家庭處境都同佢差不多,明白她經濟困難,且又是自己介紹,不好意思,故借了幾千元給她渡過難關。這件事被經理知道了,就生阿馨的氣,因為覺得不能透過拖欠薪金玩那個女士,於是轉而針對阿馨。開始將她調來調去,又要她四處去替假,還刻意編更令她工時減少。

不過我地阿馨醒目呀,睇番合約有訂明工時,更查過勞工法例,如果係僱主不編更不是員工的責任,更「大」經理:「你打去勞工處問囉!」可能他真是有打去問,之後就沒有再這樣編更。

呢個世界有好多人以為打工仔女唔識法例,就可以任意蹂躪。雖然,香港勞工法例都唔係好架啦,但連咁差的保障都無就真係好差X10啦!所以各位打工仔女,勞工法例,都係了解下好啲。
以下連結大家可以了解下:
職工盟勞法小冊子

*418: 香港勞工法例無全職兼職的概念,只有一個工時的標準去決定你是否擁有勞工福利。這個標準即是:連續4周每周為同一僱主工作不少於18小時(即每月共工作72小時)。很多公司走法律罅,例如明明總工時超過每月 72小時,但只要每四周其中一周編更17.5小時,就已經可以避開這個法例要求。

==============
[腦細怪談]/採怪談者言

香港地除非含金出世,唔係都好難唔番工。啊,唔係,係含金出世都要扮番工,因為番工,係一種道德,係山竹打到嚟你都一樣要好乖咁去番工。世上的腦細,俾左錢你當你可以洗盡的不在話下,洗盡人仲要扮好老細的都不少。
有時腦細當勞工法例無到(咁又真係用處唔大的),蝦你唔敢告佢,就算告完都唔會賠幾多;有時,根本係個制度縱容腦細買起人命,於是就有人見風駛盡利啦,唔犯法架嘛;
有時腦細唔犯法,但捐窿捐罅剋扣你,又或者每日搞到你情緒勞動200%,呢啲無勞工法例可依,一係單打獨鬥一係自己認死狗一係聯合同事諗偈……

職場看似正常,事實古靈精怪,百鬼夜行,十足怪談,故有此系列,收集各位打工仔女的《腦細怪談》,係咪可趨吉避兇就唔知,但至少可以知多啲怪招,諗定偈仔,又或者,呻下都好過屈住!
本系列其他文章

====================================
[草根.行動.媒體]

網頁:https://grassmediaction.wordpress.com

臉書:https://www.facebook.com/grassmediaction

telegram channel: https://t.me/actionofgrassmedia

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.