勞法知識無人識?/七/腦細話WFH當大假,咁都得?!

文: 勞非奴

之前網上見到有網友分享提及:

公司年尾時逼員工清晒上年大假,但又話唔可以太多人一齊請假,然後請唔到假的嘅同事,就話會把WFH(在家工作)啲日子當大假,請問公司可唔可以咁做?

勞非奴:

作為打工仔,聽到腦細咁都講得出,實係覺得啤一聲啦。


單靠段字唔算理解個情況好清楚。

如果都已經到左年尾,先來話請唔到大假就追溯番之前在家工作的日子當大假,就當。然。唔。得。啦!

年假邊有得追溯番轉頭架?!

勞工法例清楚列明:「僱主須至少在假期開始的14天前以書面通知僱員年假的日期;如雙方同意,可以較短時間通知。」

即係一定要預早通知囉。

如果有打工仔處於此情況,腦細又好堅持扣大假,又唔想對著幹到冇左份工,勞非奴都有個建議:

1)請清楚紀錄番腦細邊月邊日咁樣提議(可保留到證據就更好);
2) 清楚自行紀錄番由入職起所有放取大假的日子紀錄;
3) 紀錄番腦細上年當你放左大假的日子,及那些日子你在家實際的工作時間及工作內容。

紀錄低後,假若你條氣好唔順,最後在呢間對打工仔咁衰的公司再做唔超過多六年,到時都可以經勞工處或勞審處追番呢筆大假錢啦。(因為法例有六年追溯期,超過六年就追唔到喇)

 

~~~~

咁,又假若腦細話通知你,在今年剩下來的日子,或未來2021年某些要WFH(在家工作)的日子當補番上年的大假,又得唔得?

講到明大假,就當然要放假;在家工作好明顯係工作,唔係放假啦!

法例上打工仔當然有權say no,那幾日堅持唔開工!

不過打工仔有時要say no都涉及講牙力的部份,如你真係好驚會冇左份工,依家勞法對打工仔保障只係半桶水情況下,都係只可以靠自己喇……

就如同專欄第一篇,《勞法知識無人識?/一/唔想一星期番足七日竟然要請AL?!》都提及過,連[當僱主不合理解僱員工,勞資審裁處可不用在僱主同意下頒佈復職令]的法例保障都冇時,單靠打工仔自己都唔容易話靠自己牙力就講到數啦…..

參考資料:
勞工處 年假 常見問題解答:
https://www.labour.gov.hk/tc/faq/cap57i_whole.htm

===============

勞非奴語:

作為勞工團體前員工,接觸過大量勞法個案/查詢,經常覺得勞法知識應該列入中學必修課。

至少確保畢業後的打工仔女不會被老闆呃,連老闆犯左法都唔知地逆來順受。

大家有何勞法疑難,歡迎FB PM或留言查詢 (請註明:勞法查詢)。

過往[勞法知識無人識?]專欄文章

====================================

[草根.行動.媒體]

網頁:https://grassmediaction.wordpress.com

臉書:https://www.facebook.com/grassmediaction

telegram channel: https://t.me/actionofgrassmedia

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.